डा. तुलसी गिरी

विप्लव नेतृत्वको नेकपाका मध्यकमाण्ड इन्चार्जको जिम्मेवारी प्रकाण्ड


काठमाडौं। विप्लव नेतृत्वको नेकपाका मध्यकमाण्ड इन्चार्ज फेरिएका छन्। हाल सो जिम्मेवारीमा रहेका हेमन्त प्रकाश ओली ‘सुदर्शन’ पक्राउ परे सँगै पार्टीले खड्गबहादुर विश्वकर्मा ‘प्रकाण्ड’ लाई सो जिम्मेवारी दिएको हो।

यसअघि प्रकाण्ड प्रवक्ताको जिम्मेवारी रहेको बताइए पनि केही महिनायता उनको नाममा पार्टीको औपचारिक विज्ञप्ति आउने गरेको थिएन।

प्रहरीबाट पक्राउ परेपछि पार्टीका केही गोप्य दस्तावेज बाहिरिएको भन्दै उनलाई जिम्मेवार विहीन बनाइएको समेत हल्ला चलेको भएपनि विप्लवले त्यसको विज्ञप्ति मार्फत खण्डन गरेका थिए।

यता मध्य कमाण्ड इन्चार्जको भूमिकामा रहेका सुदर्शन चैत पहिलो साता काभ्रेबाट पक्राउ परेका थिए।उनको पार्टीमा विप्लव र प्रकाण्डपछि दोस्रो वरियता रहेको छ ।